ՌԴ Կրասնոդարի երկրամասի Արմավիր քաղաքի չգործող սրճարանի տարածքում, հոկտեմբերի 19-ի երեկոյան ժամը 21.00-ի սահմաններում, երկու հայ կրակ են բացել երիտասարդների ուղղությամբ։
Պատահարի հետևանքով երկու մարդ մահացել է, ևս մեկը՝ վիրավորվել: Ինչպես հաղորդվում է, մահացածները 27-28 տարեկան Միսակն ու Ռուսլանն են:
Հրաձգությունը կազմակերպել են Սերգեյ Ելիզարյանցն ու Գագիկ Եսայանը, հետագայում կասկածյալ է համարվել նաև Դենիս Շեվչենկոն:
Kuban.kp.ru-ն հրապարակել է հրաձգություն կազմակերպած մարդկանց լուսանկարները:
27-ամյա Միսակը գլխին ստացած հրազենային վնասվածքից մահացել է տեղում, 28-ամյա Ռուսլանը մահացել է հիվանդանոցում, իսկ 38-ամյա Ռուսլանին ծնկի շրջանում հրազենային վնասվածքով տեղափոխել են հիվանդանոց և վիրահատել, այժմ նրա կյանքին վտանգ չի սպառնում։
Որոնվում են 1975 թվականին ծնված Սերգեյ Սահակի Ելիզարյանցն ու 1974 թվականին ծնված Գագիկ Հենրիկի Եսայանը։
Սերգեյ Սահակի Ելիզարյանցը
Գագիկ Հենրիկի Եսայանը
