Այս մասին փետրվարի 18-ին Ազգային ժողովում կայացած փակ հանդիպումից հետո լրագրողների հետ ճեպազրույցում նշեց ՀՀ ԶՈՒ Գլխավոր շտաբի պետ Արտակ Դավթյանը:
Ըստ նրա՝ վերջին մեկ ու կես ամսում բանակում խաղաղ պայմաններում արձանագրված զինվորների մահվան 13 դեպքից 4-ը եղել է ինքնասպանություն, 4-ը՝ դժբախտ պատահարների արդյունքում:
«Այո՛, ես մասնակցել եմ բոլոր զոհերի թաղմանը, որոշ զոհերի հետ կապված և զորամասերում եմ եղել, և պարբերաբար էլ լինում եմ»,- նշեց Ա. Դավթյանը:
Նա հաստատեց, որ կադրային փոփոխություններ կլինեն:
Հիշեցնենք, որ այսօր ԱԺ Մարդու իրավունքների պաշտպանության և հանրային հարցերի, Պաշտպանության և Անվտանգության հարցերի մշտական հանձնաժողովների անդամները փակ հանիդպում ունեցան ՀՀ ԶՈՒ ԳՇ պետ Արտակ Դավթյանի հետ:
