ՀՀ վարչապետ Նիկոլ Փաշինյանը «Հոկտեմբերի 27»-ի գործով ցմահ ազատազրկման դատապարտված Նաիրի Հունանյանի նամակը մակագրել է ՀՀ գլխավոր դատախազին. «Հայկական ժամանակ»-ի հարցմանն ի պատասխան՝ տեղեկացրել են Կառավարության տեղեկատվության և հասարակայնության հետ կապերի վարչությունից:
ՀՀ գլխավոր դատախազի խորհրդական Գոռ Աբրահամյանն էլ ասել է, որ Նաիրի Հունանյանի կողմից վարչապետին ուղղված նամակն ստացել են և ուղարկել ՀՀ ազգային անվտանգության ծառայություն՝ «Հոկտեմբերի 27»-ի անջատված մասով վերսկսված վարույթի շրջանակներում քննության առարկա դարձնելու նպատակով:
